د. طوني مطر*
درب السما بالتضحية
وهالدرب مين ال جلجلا
وحسين للحق افتدا
وروى بدمو كربلا
هو الامام المدرسة
والحج وبواب الصلا
قربان قدّم عيلتو
اشلاء كانو بالفلا
حتى الرضيع اللي ندبح
بدو الرسالة يكمّلا
كل البراءة تجسدت
تا تواجه الظالم بلا
لا للظلم لا للحقد
للمعتدي ما في ولا
الحسين استاذ الدني
وللموت قلو يا هلا
ما كان يحني رايتو
لا يساوم ولا ينزلا
بدو الكرامة للبشر
بدو العدالة يحملا
بدو الضمير اللي غفا
يوعى وتصحى هالملا
بدو الشهامة والابا
بدو الحقيقة تنجلا
متل الشمس ما تنطفي
وبرموش عينو يغزلا
تلحسين قديس الدني
والمجد وبراج العلا
*عضو هيئة اتحاد الكتاب اللبنانيين.
